2023 жылы IT, жасанды интеллект саласында қандай үрдістерді күтуге болады, деп ALSI маркетинг бөлімінің директоры Евгения Бакирова Q-channel Telegram арнасына берген сұхбатында бөлісті.
Қазақстандағы IT-нарықта қандай үрдістер бар?
Қашықтан жұмыс істеу форматының өзектілігі сақталады. COVID-19 және басқа да жұқпалы аурулардың өршуі әлі де орын алуда және қызметкерлердің денсаулығын сақтау мақсатында қазақстандық компаниялардың бір бөлігі оларды «қашықтан жұмыс істеуге» ауыстырады. Негізінде, бұл формат бизнестің дамуына кедергі келтірмейді, тіпті оған ықпал етеді: жұмыс орнын жабдықтаудың қажеті жоқ, кейбір мәселелер тиімдірек және тезірек шешіледі, алайда бұл жағдайда сіз қызметкердің қашықтағы жұмыс орнының қауіпсіздігін ұйымдастыруыңыз керек, бұл үшін халықаралық АТ-өндірушілерінің көптеген шешімдері бар (VMware, Check Point, Palo Alto, «Касперский зертханасы», Microsoft және т.б.)
Аутсорсингтік қызметтерді дамыту - алдағы жылдардағы тағы бір үрдіс. Тағы да, айтишниктер штатын ұстаудан гөрі аутсорсингке тапсырмалар беру оңайырақ. Қазақстандық IT-интеграторлары мен IT-шешімдер мен сервистерді жеткізушілер басымдыққа ие болады.
Денсаулық сақтау, білім беру, энергетика, өндіріс, өнеркәсіп салалары, банк және мемлекеттік секторлар – көптеген ұйымдар өздерінің корпоративтік әзірлемелерін қажет етеді, сондықтан бағдарламалық өнімдердің саны артады, соның ішінде SuperApps. Жалпы, IT-саласы сенімді прогресті жалғастырады және білікті product'тарды, тестілеушілерді, digital-мамандарды, жүйелік, бизнес-сарапшыларды, инженерлерді және т.б. тарта отырып, жаңа жұмыс орындары құрыла бастайды.
Сондай-ақ инфрақұрылымдық шешімдерге сұраныс артып келеді (бизнесті цифрландыру, деректерді өңдеу орталықтарын құру, деректерді сақтаудың жаңа жүйелерімен жарақтандыру, қолжетімділікті бақылау және басқару жүйелері, ақпараттық қауіпсіздік, ақпараттық жүйелердің аудиті, кәсіпорынның ақпараттық жүйесі үшін тәуекелдерді талдау және т.б.)
Күнделікті өмірде пайдалы қандай IT шешімдер 2023 жылы танымал бола бастайды?
Smart City цифрлық технологияларын азаматтардың күнделікті өміріне енгізу бойынша жолсерік болып табылатын ірі қазақстандық компаниялардың қалалық көлік инфрақұрылымын басқару, қоршаған ортаны қорғау, өндірісте қорғауды қамтамасыз ету, сондай-ақ ESG-қағидаттарын (экология, әлеуметтік саясат және корпоративтік басқару) дамыту жөніндегі «Заттар интернеті» (IoT).
Қарапайым сөзбен айтқанда, Smart City - заманауи IT-шешімдерін біріктіру арқылы инфрақұрылымды жетілдіру кезінде қалалық ресурстар мен қызметтерді «ақылды» басқару болып табылады. Мұның бәрі қазақстандықтарға қаланың біртұтас экожүйесінде жайлы өмір сүруге мүмкіндік береді.
2023 жылы жасанды зияттың қандай трендтері қарқын алады?
Келесі жылы AI негізіндегі жаңа мүмкіндіктердің өсуін күтуге болады. Пайдаланушы тәжірибесіне келетін болсақ, Метағаламның оған белсенді әсер ету ықтималдығы жоғары. Бізге таныс нәрселердің көпшілігі виртуалды шындыққа айналады. Мысалы, қымбат заттарды сатып алу, ойын-сауық және қаржылық жинақ.
Жаңалықтарға оралу
